ਈਡੀ ਵਲੋਂ ਪੰਚਕੂਲਾ ਵਿੱਚ ਤਿੰਨ ਥਾਵਾਂ ਤੇ ਰੇਡ

ਡਾਕਟਰਾਂ ਦੇ ਘਰਾਂ ਵਿੱਚ ਕੀਤੀ ਛਾਪੇਮਾਰੀ

ਪੀ.ਪੀ. ਵਰਮਾ
ਪੰਚਕੂਲਾ, 7 ਫਰਵਰੀ : ਪੰਚਕੂਲਾ ਵਿੱਚ ਵਿੱਚ ਐਨਫੋਰਸਮੈਂਟ ਡਾਇਰੈਕਟੋਰੇਟ ਈਡੀ ਨੇ ਦੋ ਥਾਵਾਂ ਤੇ ਰੇਡ ਮਾਰੀ ਹੈ। ਈਡੀ ਨੇ ਇਹ ਰੇਡ ਡਾ. ਵਿਕਰਮ ਅਤੇ ਵਿਵੇਕ ਦੇ ਸੈਕਟਰ-25 ਪੰਚਕੂਲ਼ਾ ਸਥਿਤ ਘਰ 93 ਅਤੇ 114 ਮਕਾਨ ਵਿੱਚ ਮਾਰੀ। ਇਹ ਰੇਡ ਰਾਏਪੁਰਰਾਣੀ ਸਥਿਤ ਡਾ ਵਿਕਰਮ ਅਤੇ ਡਾ. ਵਿਵੇਕ ਦੇ ਹਸਪਤਾਲ ਡੀਆਈਈਐਮਐੱਸ ਵਿੱਚ ਵੀ ਪਈ। ਈਡੀ ਨੇ ਉੱਤਰਾਖੰਡ ਦੇ ਸਾਬਕਾ ਮੰਤਰੀ ਹਰਕ ਸਿੰਘ ਰਾਵਤ ਨਾਲ ਜੁੜੇ ਜੰਗਲਾਤ ਘੁਟਾਲੇ ਦੇ ਮਾਮਲੇ ਵਿੱਚ ਪੰਚਕੂਲਾ ਸਥਿਤ ਦਿੱਲੀ, ਚੰਡੀਗੜ੍ਹ, ਪੰਚਕੂਲਾ ਅਤੇ ਉੱਤਰਾਖੰਡ ਦੇ ਕਈ ਥਾਂਵਾਂ ਉੱਤੇ ਛਾਪੇਮਾਰੀ ਕੀਤੀ ਹੈ। ਰਾਏਪੁਰਰਾਣੀ ਦੇ ਪ੍ਰਾਈਵੇਟ ਹਸਪਤਾਲ ਡੀਆਈਐਮਐੱਸ ਸਾਬਕਾ ਮੰਤਰੀ ਹਰਕ ਸਿੰਘ ਰਾਵਤ ਦਾ ਦੱਸਿਆ ਗਿਆ ਹੈ । ਸਾਬਕਾ ਮੰਤਰੀ ਹਰਕ ਸਿੰਘ ਰਾਵਤ ਉੱਤੇ ਪਹਿਲਾਂ ਵੀ ਈਡੀ ਨੇ ਛਾਪੇਮਾਰੀ ਕੀਤੀ ਸੀ ਅਤੇ ਹਰਕ ਸਿੰਘ ਰਾਵਤ ਪਹਿਲਾਂ ਵੀ ਭਿ੍ਰਸ਼ਟਾਚਾਰ ਦੇ ਮਾਮਲੇ ਵਿੱਚ ਕਾਫੀ ਚਰਚਿਤ ਰਿਹਾ ਹੈ। ਈਡੀ ਨੇ ਅੱਜ ਤਿੰਨ ਸਟੇਟਾਂ ਵਿੱਚ 16 ਥਾਵਾਂ ਤੇ ਇਹ ਰੇਡ ਕੀਤੀ। ਇਹਨਾਂ ਛਾਪਿਆਂ ਤੋਂ ਬਾਅਦ ਸਾਬਕਾ ਕੈਬਨਿਟ ਮੰਤਰੀ ਹਰਕ ਸਿੰਘ ਰਾਵਤ ਦੀਆਂ ਮੁਸ਼ਕਲਾਂ ਵੱਧ ਗਈਆਂ ਹਨ। ਹਰਕ ਸਿੰਘ ਰਾਵਤ ਭਾਜਪਾ ਨੂੰ ਛੱਡ ਕੇ ਕਾਂਗਰਸ ਵਿੱਚ ਸ਼ਾਮਲ ਹੋ ਗਏ ਸਨ। ਮਿਲੀ ਜਾਣਕਾਰੀ ਅਨੁਸਾਰ ਹਰਕ ਸਿੰਘ ਰਾਵਤ ਨੇ ਆਉਣ ਵਾਲੀਆਂ ਲੋਕ ਸਭਾ ਚੋਣਾਂ ਵਿੱਚ ਹਰੀਦੁਆਰ ਤੋਂ ਦਾਵੇਦਾਰੀ ਕੀਤੀ ਹੈ। ਪੰਚਕੂਲਾ ਵਿੱਚ ਈਡੀ ਨੇ ਸਵੇਰੇ 7 ਵਜੇ ਛਾਪੇਮਾਰੀ ਸ਼ੁਰੂ ਕੀਤੀ ਅਤੇ ਬੀਤੀ ਦੁਪਹਿਰ ਖਬਰ ਲਿਖੇ ਜਾਣ ਤੱਕ ਈਡੀ ਦੀ ਰੇਡ ਜਾਰੀ ਸੀ।