ਏਜੰਸੀਆਂ
ਨਵੀਂ ਦਿੱਲੀ/ 26 ਅਪ੍ਰੈਲ : ਮੈਸਜਿੰਗ ਸੇਵਾ ਪਲੇਟਫਾਰਮ ਵਟਸਐਪ ਨੇ ਵੀਰਵਾਰ ਨੂੰ ਦਿੱਲੀ ਹਾਈਕੋਰਟ ’ਚ ਕਿਹਾ ਕਿ ਜੇ ਉਸ ਨੂੰ ਸੁਨੇਹਿਆਂ ਦੀ ਗੁੱਪਤ ਭਾਸ਼ਾ ਤੋੜਨ ਲਈ ਮਜ਼ਬੂਰ ਕੀਤਾ ਗਿਆ ਤਾਂ ਉਹ ਭਾਰਤ ’ਚ ਇਹ ਕੰਮ ਬੰਦ ਕਰ ਦੇਵੇਗਾ। ਕਾਰਜਕਾਰੀ ਚੀਫ਼ ਜਸਟਿਸ ਦੀ ਅਗਵਾਈ ਵਾਲੇ ਬੈਂਚ ਅੱਗੇ ਵੱਟਸਐਪ ਅਤੇ ਫੇਸਬੂਕ ਨੂੰ ਸੋਧ ਕੀਤੇ ਆਈਟੀ ਨਿਯਮਾਂ ਨੂੰ ਚੁਣੋਤੀ ਦੇਣ ਵਾਲੀ ਅਰਜ਼ੀ ’ਤੇ ਸੁਣਵਾਈ ਦੌਰਾਨ ਇਹ ਦਲੀਲ ਦਿੱਤੀ ਗਈ। ਵੱਟਸਐਪ ਵੱਲੋਂ ਪੇਸ਼ ਹੋਈ ਵਕੀਲ ਨੇ ਕਿਹਾ ਕਿ ਇਕ ਪਲੇਟਫਾਰਮ ਦੇ ਰੂਪ ’ਚ ਅਸੀਂ ਕਹਿ ਰਹੇ ਹਾਂ ਕਿ ਜੇਕਰ ਸਾਨੂੰ ਗੁੱਪਤ ਭਾਸ਼ਾ ਤੋੜਨ ਲਈ ਕਿਹਾ ਜਾਂਦਾ ਹੈ ਤਾਂ ਵੱਟਸਐਪ ਚਲਾ ਜਾਵੇਗਾ। ਵੱਟਸਐਪ ਨੇ ਆਈਟੀ ਨਿਯਮਾਂ ’ਚ ਸੋਧ ਦਾ ਵਿਰੋਧ ਕਰਦੇ ਹੋਏ ਕਿਹਾ ਕਿ ਇਹ ਉਪਭੋਗਤਾਵਾਂ ਦੀ ਗੁਪਤਤਾ ਦੇ ਵਿਰੁਧ ਸੀ ਅਤੇ ਇਹ ਨਿਯਮ ਬਿਨਾਂ ਕਿਸੇ ਸਲਾਹ ਦੇ ਲਾਗੂ ਕੀਤਾ ਗਿਆ।