ਸ੍ਰੀ ਫ਼ਤਹਿਗੜ੍ਹ ਸਾਹਿਬ/ 3 ਜਨਵਰੀ:
(ਰਵਿੰਦਰ ਸਿੰਘ ਢੀਂਡਸਾ)
ਸਾਲ 2025 ਦੇ ਪਹਿਲੇ ਹਫਤੇ ਹੀ ਵਿਧਾਇਕ ਲਖਬੀਰ ਸਿੰਘ ਰਾਏ ਵੱਲੋਂ ਗਰਾਂਟਾਂ ਦੀ ਝੜੀ ਲਗਾ ਦਿੱਤੀ ਗਈ ਹੈ। ਇਸੇ ਲੜੀ ਦੇ ਤਹਿਤ ਅੱਜ ਵਿਧਾਇਕ ਵੱਲੋਂ ਆਪਣੇ ਦਫਤਰ ਵਿਖੇ 41 ਲੱਖ ਰੁਪਏ ਦੀਆਂ ਗਰਾਂਟਾਂ ਦੇ ਸੈਂਕਸ਼ਨ ਪੱਤਰ ਪੰਚਾਇਤਾਂ ਨੂੰ ਮੁਹੱਈਆ ਕਰਵਾਏ ਗਏ। ਇਸ ਮੌਕੇ ਵਿਧਾਇਕ ਲਖਬੀਰ ਸਿੰਘ ਰਾਏ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਮੁੱਖ ਮੰਤਰੀ ਭਗਵੰਤ ਮਾਨ ਵੱਲੋਂ ਇਹ ਸੰਕੇਤ ਦਿੱਤੇ ਗਏ ਹਨ ਕਿ ਆਉਣ ਵਾਲੇ ਦੋ ਸਾਲਾਂ ਚ ਤੇਜ਼ੀ ਨਾਲ ਵਿਕਾਸ ਕਾਰਜ ਹੋਣਗੇ। ਇਨਾਂ ਸਾਲਾਂ ਦੇ ਵਿੱਚ ਸੂਬੇ ਦੀ ਕਾਇਆ ਕਲਪ ਕੀਤੀ ਜਾਵੇਗੀ। ਉਹਨਾਂ ਕਿਹਾ ਕਿ ਪੰਚਾਇਤਾਂ ਨੂੰ ਵਿਕਾਸ ਕਾਰਜਾਂ ਦੇ ਲਈ 41 ਲੱਖ ਰੁਪਏ ਦੀ ਗਰਾਂਟਾਂ ਦੇ ਪ੍ਰਵਾਨਗੀ ਪੱਤਰ ਮੁਹੱਈਆ ਕਰਵਾਏ ਗਏ ਹਨ ਤੇ ਵੱਖ-ਵੱਖ ਪਿੰਡਾਂ ਨੂੰ ਗਰਾਂਟਾਂ ਦਿੱਤੀਆਂ ਗਈਆਂ ਹਨ। ਵਿਵੇਕੀ ਗਰਾਂਟ ਦੇ ਤਹਿਤ ਖਰੇ ਪਿੰਡ ਨੂੰ 2 ਲੱਖ ਰੁਪਏ, ਭੱਲ ਮਾਜਰਾ ਨੂੰ 3 ਲੱਖ, ਨੌਲੱਖਾ ਨੂੰ 5 ਲੱਖ, ਪੰਜੋਲੀ ਖੁਰਦ ਨੂੰ 3 ਲੱਖ, ਮੁੱਲਾਂਪੁਰ ਖੁਰਦ ਨੂੰ 5 ਲੱਖ, ਜਖਵਾਲੀ ਨੂੰ 2.50 ਲੱਖ, ਪੋਲਾਂ ਨੂੰ 2.50 ਲੱਖ, ਜਾਗੋ ਚਨਾਰਥਲ ਨੂੰ 2 ਲੱਖ, ਮੂਲੇਪੁਰ ਨੂੰ 5 ਲੱਖ ਰੁਪਏ ਦਿੱਤੇ ਗਏ ਹਨ। ਇਸੇ ਤਰ੍ਹਾਂ ਆਰਡੀਓਜ ਦੇ ਤਹਿਤ ਗ੍ਰਾਮ ਪੰਚਾਇਤ ਭਮਾਰਸੀ ਬੁਲੰਦ ਨੂੰ ਦੋ ਲੱਖ, ਬੁੱਚੜੇ ਨੂੰ 2 ਲੱਖ, ਬਧੌਛੀ ਕਲਾਂ ਨੂੰ 2 ਲੱਖ, ਭਮਾਰਸੀ ਬੁਲੰਦ ਨੂੰ 2 ਲੱਖ, ਨੌਲੱਖਾ ਨੂੰ 1 ਲੱਖ, ਮੁਹੰਮਦੀਪੁਰ ਨੂੰ 2 ਲੱਖ ਰੁਪਏ ਦਿੱਤੇ ਗਏ ਹਨ ਤੇ ਵਿਕਾਸ ਕਾਰਜਾਂ ਦੇ ਵਿੱਚ ਕਿਸੇ ਤਰ੍ਹਾਂ ਦਾ ਸਮਝੌਤਾ ਨਹੀਂ ਕੀਤਾ ਜਾਵੇਗਾ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸਰਹਿੰਦ ਦੇ ਬਲਾਕ ਵਿਕਾਸ ਅਤੇ ਪੰਚਾਇਤ ਅਫਸਰ ਦੀਪ ਸ਼ਿਖਾ, ਪਿੰਡ ਖਰੇ ਤੋਂ ਸਰਪੰਚ ਸਤਪਾਲ ਸਿੰਘ, ਭੱਲ ਮਾਜਰਾ ਤੋਂ ਸਰਪੰਚ ਕਰਮਜੀਤ ਕੌਰ, ਕਿੰਦਰ ਭੱਲਮਾਜਰਾ, ਬਲਦੇਵ ਸਿੰਘ ਭੱਲਮਾਜਰਾ, ਸਰਪੰਚ ਮੋਹਣ ਸਿੰਘ ਭੱਟਮਾਜਰਾ, ਦੀਪਕ ਬਾਤਿਸ਼, ਆਫ਼ਿਸ ਸਕੱਤਰ ਬਹਾਦਰ ਖਾਨ, ਮਨਦੀਪ ਪੋਲਾ, ਰੁਪਿੰਦਰ ਸਿੰਘ ਕੋਟਲਾ ਸੁਲੇਮਾਨ, ਪੀ ਏ ਸਤੀਸ਼ ਲਟੌਰ ਆਦਿ ਵੀ ਹਾਜ਼ਰ ਸਨ।