ਦੇਸ਼ ਭਗਤ ਯੂਨੀਵਰਸਿਟੀ ਵੱਲੋਂ ਮਹਿਲਾ ਜਾਗਰੁਕਤਾ ਮੁਹਿੰਮ ਸਬੰਧੀ ਪੰਜ ਰੋਜ਼ਾ ਕੈਂਪ 

 

ਦੇਸ਼ ਭਗਤ ਯੂਨੀਵਰਸਿਟੀ ਦੇ ਮਹਿਲਾ ਸ਼ਿਕਾਇਤ ਨਿਵਾਰਣ ਸੈੱਲ ਵੱਲੋਂ ਹਰਾ ਪੰਜਾਬ ਖਰਾ ਸਮਾਜ ਦੇ ਨਾਅਰੇ ਨਾਲ ਮਹਿਲਾ ਜਾਗਰੁਕਤਾ ਮੁਹਿੰਮ ’ਤੇ ਪੰਜ ਰੋਜ਼ਾ ਜਾਗਰੂਕਤਾ ਕੈਂਪ ਦਾ ਸਫਲਤਾਪੂਰਵਕ ਆਯੋਜਨ ਕੀਤਾ ਗਿਆ।ਇਸ ਪਹਿਲਕਦਮੀ ਦਾ ਉਦੇਸ਼ ਔਰਤਾਂ ਨੂੰ ਉਨ੍ਹਾਂ ਦੇ ਅਧਿਕਾਰਾਂ, ਸੁਰੱਖਿਆ, ਕਾਨੂੰਨੀ ਪ੍ਰਬੰਧਾਂ, ਸਿਹਤ ਅਤੇ ਸਵੈ-ਰੱਖਿਆ ਤਕਨੀਕਾਂ ਬਾਰੇ ਸਿੱਖਿਅਤ ਕਰਕੇ ਸਸ਼ਕਤੀਕਰਨ ਕਰਨਾ ਹੈ। ਇਹ ਜਾਗਰੂਕਤਾ ਮੁਹਿੰਮ ਜ਼ਿਲ੍ਹਾ ਫਤਿਹਗੜ੍ਹ ਸਾਹਿਬ ਦੇ ਪਿੰਡਾਂ ਹੈਬਤਪੁਰ, ਸਲਾਣਾ, ਮੱਲੋਵਾਲ, ਟਿੱਬੀ ਅਤੇ ਸੌਂਟੀ ਆਦਿ ਵਿੱਚ ਚਲਾਈ ਗਈ।ਇਸ ਕੈਂਪ ਦਾ ਉਦਘਾਟਨ ਸਲਾਣਾ ਪਿੰਡ ਵਿਖੇ ਦੇਸ਼ ਭਗਤ ਯੂਨੀਵਰਸਿਟੀ ਦੇ ਪ੍ਰੋ-ਚਾਂਸਲਰ ਡਾ. ਤਜਿੰਦਰ ਕੌਰ ਨੇ ਹਰਾ ਪੰਜਾਬ ਖਾਰਾ ਸਮਾਜ ਦੇ ਨੁਮਾਇੰਦਿਆਂ ਦੇ ਨਾਲ ਕੀਤਾ। ਇਸ ਮੌਕੇ ਡਾ. ਪ੍ਰੀਸ਼ੀਅਸ ਸ਼ੇਰੋਅਨ (ਚੇਅਰਪਰਸਨ, ਮਹਿਲਾ ਸ਼ਿਕਾਇਤ ਨਿਵਾਰਣ ਸੈੱਲ), ਡਾ. ਆਰਤੀ (ਮੈਂਬਰ ਸਕੱਤਰ), ਡਾ. ਲਵਸੰਪੂਰਨਜੋਤ ਕੌਰ (ਮੈਂਬਰ, ਅੰਦਰੂਨੀ ਸ਼ਿਕਾਇਤ ਕਮੇਟੀ), ਅਤੇ ਫੈਕਲਟੀ ਮੈਂਬਰ ਰਾਜਵਿੰਦਰ ਕੌਰ, ਵਿਜੇਪੁਰੀ, ਨਿਕਿਤਾ, ਨਿਧੀ,ਸਤੀਸ਼ ਅਤੇ ਪ੍ਰਸ਼ਾਂਤ ਸਕੂਲ ਆਫ਼ ਐਜੂਕੇਸ਼ਨ ਤੋਂ ਸ਼ਾਮਲ ਸਨ।ਇਸ ਦੌਰਾਨ ਉੱਘੇ ਕਾਨੂੰਨੀ ਮਾਹਿਰ ਡਾ. ਦਿੱਵਿਆ ਐਸ. ਖੁਰਾਨਾ ਨੇ ਔਰਤਾਂ ਦੇ ਅਧਿਕਾਰਾਂ, ਲਿੰਗ ਸਮਾਨਤਾ, ਘਰੇਲੂ ਹਿੰਸਾ ਅਤੇ ਕੰਮ ਵਾਲੀ ਥਾਂ ’ਤੇ ਵਿਤਕਰੇ ਵਿਰੁੱਧ ਕਾਨੂੰਨਾਂ ਬਾਰੇ ਇੱਕ ਜਾਣਕਾਰੀ ਭਰਪੂਰ ਸੈਸ਼ਨ ਦਾ ਆਯੋਜਨ ਕੀਤਾ। ਵਾਤਾਵਰਣ ਜਾਗਰੂਕਤਾ ਪਹਿਲਕਦਮੀ ਦੇ ਹਿੱਸੇ ਵਜੋਂ ਇੱਕ ਰੁੱਖ ਲਗਾਉਣ ਦੀ ਰਸਮ ਵੀ ਆਯੋਜਿਤ ਕੀਤੀ ਗਈ। ਦੂਜੇ ਦਿਨ, ਔਰਤਾਂ ਦੀ ਸਿਹਤ ਅਤੇ ਸਫਾਈ ’ਤੇ ਵਿਸ਼ੇਸ਼ ਧਿਆਨ ਦਿੱਤਾ ਗਿਆ। ਮੈਡੀਕਲ ਪੇਸ਼ੇਵਰਾਂ ਨੇ ਮਾਹਵਾਰੀ ਸਿਹਤ, ਪ੍ਰਜਨਨ ਅਧਿਕਾਰਾਂ ਅਤੇ ਮਾਨਸਿਕ ਤੰਦਰੁਸਤੀ ’ਤੇ ਇੰਟਰਐਕਟਿਵ ਸੈਸ਼ਨ ਕੀਤੇ। ਹਾਜ਼ਰੀਨ ਨੂੰ ਮੁਫ਼ਤ ਸਿਹਤ ਜਾਂਚ ਅਤੇ ਸਲਾਹ ਸੇਵਾਵਾਂ ਵੀ ਪ੍ਰਦਾਨ ਕੀਤੀਆਂ ਗਈਆਂ।ਇਸ ਮੌਕੇ ਹਰਾ ਪੰਜਾਬ ਖਰਾ ਸਮਾਜ ਦੀਆਂ ਕਦਰਾਂ-ਕੀਮਤਾਂ ਦੇ ਅਨੁਸਾਰ, ਚੌਥੇ ਦਿਨ ਵਾਤਾਵਰਣ ਸੰਭਾਲ ਵਿੱਚ ਔਰਤਾਂ ਦੀ ਭੂਮਿਕਾ ਨੂੰ ਵੀ ਉਜਾਗਰ ਕੀਤਾ ਗਿਆ।ਇਸ ਜਾਗਰੂਕਤਾ ਕੈਂਪ ਦਾ ਆਖਰੀ ਦਿਨ ਕਮਿਊਨਿਟੀ ਆਊਟਰੀਚ ਨੂੰ ਸਮਰਪਿਤ ਸੀ, ਜਿੱਥੇ ਵਲੰਟੀਅਰਾਂ ਅਤੇ ਪ੍ਰਬੰਧਕਾਂ ਨੇ ਔਰਤਾਂ ਦੇ ਅਧਿਕਾਰਾਂ, ਸਰਕਾਰੀ ਭਲਾਈ ਸਕੀਮਾਂ ਅਤੇ ਸਹਾਇਤਾ ਲਈ ਹੈਲਪਲਾਈਨ ਨੰਬਰਾਂ ਬਾਰੇ ਜਾਗਰੂਕਤਾ ਫੈਲਾਈ।ਕੈਂਪ ਦੀ ਸਮਾਪਤੀ ਮੌਕੇ ਸਮਾਗਮ ਕਰਕੇ ਭਾਗੀਦਾਰਾਂ ਨੂੰ ਸਰਟੀਫਿਕੇਟ ਦਿੱਤੇ ਗਏ।