ਪਠਾਨਕੋਟ 4 ਜੂਨ ( ਰਮਨ ਕਾਲੀਆ )
ਡਿਸਟਿ੍ਰਕ ਬਾੱਕਸਿੰਗ ਐਸੋਸੀਏਸਨ ਪਠਾਨਕੋਟ ਵੱਲੋਂ 31 ਮਈ ਤੋਂ 4 ਜੂਨ ਤੱਕ ਬਾੱਕਸਿੰਗ ਚੈਂਪਿਅਨਸਿਪ ਪੰਜਾਬ-2025 ਮਿਊਨਸਿਪਲ ਕਲੋਨੀ ਪਠਾਨਕੋਟ ਵਿਖੇ ਕਰਵਾਈ ਗਈ । ਇਸ ਦੋਰਾਨ ਜੂਨੀਅਰ ਮੁਕਾਬਲਿਆਂ ਦੋਰਾਨ ਸ੍ਰੀ ਆਦਿੱਤਿਆ ਉੱਪਲ ਡਿਪਟੀ ਕਮਿਸਨਰ ਪਠਾਨਕੋਟ ਅਤੇ ਸਬ-ਯੂਨੀਅਰ ਮੁਕਾਬਲਿਆਂ ਦੋਰਾਨ ਰਾਮ ਲੁਭਾਇਆ ਜਿਲ੍ਹਾ ਲੋਕ ਸੰਪਰਕ ਅਫਸਰ ਪਠਾਨਕੋਟ ਮੁੱਖ ਮਹਿਮਾਨ ਵਜੋਂ ਹਾਜਰ ਹੋਏ। ਇਸ ਮੋਕੇ ਤੇ ਹੋਰਨਾਂ ਤੋਂ ਇਲਾਵਾ ਸਰਵਸ੍ਰੀ ਸੁਸੀਲ ਕੁਮਾਰ ਨਰਮੀਨੇਟਰ ਨਿਰਦੇਸਕ,ਤਰਨਵੀਰ ਸਿੰਘ ਪ੍ਰਧਾਨ, ਹਰਪ੍ਰੀਤ ਸਿੰੰਘ ਜਰਨਲ ਸਕੱਤਰ, ਸੁਰਿੰਦਰ ਰਾਹੀ ਖਜਾਨਚੀ,ਵਿਨੋਦ ਖੋਸਲਾ ਪ੍ਰੈਸ ਸਕੱਤਰ, ਨਵਲ ਸਲਾਰੀਆ, ਰਜਿੰਦਰ, ਜੀ.ਐਸ. ਰਾਠੋਰ, ਮੁੱਖਵਿੰਦਰ ਸਿੰਘ, ਕਮਲ, ਗੋਰਵ ਬਰਫਾਨੀ ਅਤੇ ਹੋਰ ਮੈਂਬਰ ਵੀ ਹਾਜਰ ਸਨ।
ਜਿਕਰਯੋਗ ਹੈ ਕਿ ਜੂਨੀਅਰ ਮੁਕਾਬਲਿਆਂ ਦੋਰਾਨ ਸ੍ਰੀ ਆਦਿੱਤਿਆ ਉੱਪਲ ਡਿਪਟੀ ਕਮਿਸਨਰ ਪਠਾਨਕੋਟ ਵੱਲੋਂ ਬਾੱਕਸਿੰਗ ਮੁਕਾਬਲਿਆਂ ਦੀ ਸੁਰੂਆਤ ਕਰਵਾਈ ਗਈ ਅਤੇ ਸਬ-ਜੂਨੀਅਰ ਮੁਕਾਬਲਿਆਂ ਦੋਰਾਨ ਸ੍ਰੀ ਰਾਮ ਲੁਭਾਇਆ ਜਿਲ੍ਹਾ ਲੋਕ ਸੰਪਰਕ ਅਫਸਰ ਪਠਾਨਕੋਟ ਵੱਲੋਂ ਬਾੱਕਸਿੰਗ ਮੁਕਾਬਲਿਆਂ ਦੀ ਸੁਰੂਆਤ ਕਰਵਾਈ ਗਈ।
ਇਸ ਮੋਕੇ ਤੇ ਸੰਬੋਧਤ ਕਰਦਿਆਂ ਸ੍ਰੀ ਆਦਿੱਤਿਆ ਉੱਪਲ ਡਿਪਟੀ ਕਮਿਸਨਰ ਪਠਾਨਕੋਟ ਨੇ ਕਿਹਾ ਕਿ ਬਹੁਤ ਹੀ ਖੁਸੀ ਦੀ ਗੱਲ ਹੈ ਕਿ ਡਿਸਟਿ੍ਰਕ ਬਾੱਕਸਿੰਗ ਐਸੋਸੀਏਸਨ ਪਠਾਨਕੋਟ ਵੱਲੋਂ ਜੋ ਪੰਜਾਬ ਪੱਧਰ ਦੇ ਬਾੱਕਸਿੰਗ ਮੁਕਾਬਲੇ ਪਠਾਨਕੋਟ ਅੰਦਰ ਕਰਵਾਏ ਜਾ ਰਹੇ ਹਨ ਅਤੇ ਪੂਰੇ ਪੰਜਾਬ ਵਿੱਚੋਂ ਖਿਡਾਰੀ ਇਸ ਵਿੱਚ ਭਾਗ ਲੈਣ ਲਈ ਪਹੁੰਚੇ ਹਨ। ਉਨ੍ਹਾਂ ਕਿਹਾ ਕਿ ਇਹ ਇੱਕ ਬਹੁਤ ਹੀ ਵਧੀਆ ਉਪਰਾਲਾ ਹੈ ਅਤੇ ਪਠਾਨਕੋਟ ਲਈ ਇਹ ਬਹੁਤ ਵਧੀਆ ਗੱਲ ਹੈ ਬਾੱਕਸਿੰਗ ਦੇ ਲਈ ਅਜਿਹੇ ਮੁਕਾਬਲੇ ਬੱਚਿਆਂ ਨੂੰ ਭਵਿੱਖ ਅੰਦਰ ਹੋਰ ਵੀ ਅੱਗੇ ਲੈ ਕੇ ਜਾਣਗੇ। ਜਿਲ੍ਹਾ ਪ੍ਰਸਾਸਨ ਡਿਸਟਿ੍ਰਕ ਬਾੱਕਸਿੰਗ ਐਸੋਸੀਏਸਨ ਪਠਾਨਕੋਟ ਨੂੰ ਜੋ ਵੀ ਸਹਿਯੋਗ ਚਾਹੀਦਾ ਹੋਵੇਗਾ ਉਹ ਦੇਵੇਗਾ।
ਇਸ ਮੋਕੇ ਤੇ ਸ੍ਰੀ ਰਾਮ ਲੁਭਾਇਆ ਜਿਲ੍ਹਾ ਲੋਕ ਸੰਪਰਕ ਅਫਸਰ ਪਠਾਨਕੋਟ ਨੇ ਕਿਹਾ ਕਿ ਪਠਾਨਕੋਟ ਅੰਦਰ ਬਾੱਕਸਿੰਗ ਦੇ ਪੰਜਾਬ ਪੱਧਰ ਦੇ ਮੁਕਾਬਲੇ ਕਰਵਾਉਂਣਾ ਇਹ ਇੱਕ ਬਹੁਤ ਵਧੀਆ ਉਪਰਾਲਾ ਹੈ ਇਸ ਦੇ ਨਾਲ ਪਠਾਨਕੋਟ ਦਾ ਨਾਮ ਪੰਜਾਬ ਦੇ ਹਰ ਕੋਨੇ ਤੱਕ ਜਾਵੇਗਾ। ਇਨ੍ਹਾਂ ਬਾੱਕਸਿੰਗ ਮੁਕਾਬਲਿਆਂ ਦੋਰਾਨ ਪੰਜਾਬ ਦੇ ਹਰ ਜਿਲ੍ਹੇ ਤੋਂ ਖਿਡਾਰੀ ਪਹੁੰਚੇ ਹਨ ਉਨ੍ਹਾਂ ਲਈ ਇੱਕ ਵਧੀਆ ਪਲੇਟਫਾਰਮ ਹੈ ਅਸੀਂ ਆਸਾ ਕਰਦੇ ਹਾਂ ਕਿ ਇਹ ਖਿਡਾਰੀ ਨੇਸਨਲ, ਇੰਟਰਨੇਸਨਲ, ਏਸੀਅਨ ਅਤੇ ਉਲਮਪਿੰਕ ਵਿੱਚ ਵੀ ਪਹੁੰਚਣ ਅਤੇ ਪੂਰੇ ਪੰਜਾਬ ਦਾ ਅਪਣੇ ਮਾਤਾ ਪਿਤਾ ਦਾ ਨਾਮ ਰੋਸਨ ਕਰਨ।
ਇਸ ਮੋਕੇ ਤੇ ਡਿਸਟਿ੍ਰਕ ਬਾੱਕਸਿੰਗ ਐਸੋਸੀਏਸਨ ਪਠਾਨਕੋਟ ਦੇ ਕੌਚ ਹਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਬਾੱਕਸਿੰਗ ਮੁਕਾਬਲਿਆਂ ਵਿੱਚ ਕਰੀਬ 500 ਤੋਂ ਜਿਆਦਾ ਖਿਡਾਰੀਆਂ ਵੱਲੋਂ ਭਾਗ ਲਿਆ ਗਿਆ। ਜਿਸ ਵਿੱਚ ਜੂਨੀਅਰ ਮੁਕਾਬਲਿਆਂ ਵਿੱਚ 29 ਗੋਲਡ ਮੈਡਲ, 29 ਸਿਲਵਰ ਮੈਡਲ ਅਤੇ 58 ਬਰਾਊਂਨ ਮੈਡਲ ਖਿਡਾਰੀਆਂ ਵੱਲੋਂ ਜਿੱਤੇ ਗਏ । ਇਸੇ ਹੀ ਤਰ੍ਹਾਂ ਸਬ-ਜੂਨੀਅਰ ਬਾੱਕਸਿੰਗ ਮੁਕਾਬਲਿਆਂ ਵਿੱਚ 27 ਗੋਲਡ ਮੈਡਲ, 27 ਸਿਲਵਰ ਮੈਡਲ ਅਤੇ 54 ਬਰਾਊਂਨ ਮੈਡਲ ਖਿਡਾਰੀਆਂ ਵੱਲੋਂ ਜਿੱਤੇ ਗਏ। ਇਸ ਮੋਕੇ ਤੇ ਦੋਨੋ ਮੁੱਖ ਮਹਿਮਾਨਾਂ ਵੱਲੋਂ ਜੇਤੂ ਖਿਡਾਰੀਆਂ ਨੂੰ ਮੈਡਲ ਅਤੇ ਸਰਟੀਫਿਕੇਟ ਭੇਂਟ ਕਰਕੇ ਸਨਮਾਨਤ ਵੀ ਕੀਤਾ ਗਿਆ।