ਸੁਭਾਸ਼ ਚੰਦਰ
ਸਮਾਣਾ, 4 ਜੂਨ
ਸਮਾਣਾ-ਪਟਿਆਲਾ ਸੜਕ ਤੇ ਟਿੱਪਰ-ਇਨੋਵਾ ਹਾਦਸੇ ’ਚ ਚਾਲਕ ਅਤੇ 7 ਮਾਸੂਮ ਬੱਚਿਆਂ ਦੀ ਮੋਤ ਦੇ ਮਾਮਲੇ ’ਚ ਮਿ੍ਰਤਕ ਬੱਚਿਆਂ ਦੇ ਮਾਪਿਆਂ ਅਤੇ ਸ਼ਹਿਰ ਨਿਵਾਸੀਆਂ ਵੱਲੋਂ ਮੁਲਜ਼ਮ ਟਿੱਪਰ ਮਾਲਕ ਦੀ ਗਿ੍ਰਫਤਾਰੀ ਨੂੰ ਲੈ ਕੇ ਮਾਤਾ ਰਾਣੀ ਚੌਂਕ ਸਮਾਣਾ ਵਿਚ ਲਗਾਇਆ ਧਰਨਾ 6ਵੇਂ ਦਿਨ ਵੀ ਜਾਰੀ ਰਿਹਾ। ਇਸੇ ਦੌਰਾਨ ਮੁਲਜ਼ਮ ਟਿੱਪਰ ਮਾਲਕ ਵੱਲੋਂ ਮਾਣਯੋਗ ਹਾਈ ਕੋਰਟ ਵਿਚ ਲਗਾਈ ਗਈ ਅਗਾਊਂ ਜਮਾਨਤ ਦੀ ਅਰਜੀ ਤੇ ਸੁਣਵਾਈ 9 ਜੂਨ ਕਰ ਦਿੱਤੀ ਗਈ।
ਬੁੱਧਵਾਰ ਨੂੰ ਮਾਤਾ ਰਾਣੀ ਚੌਂਕ ’ਚ ਲੱਗੇ ਧਰਨੇ ਦੌਰਾਨ ਭਾਜਪਾ ਆਗੂ ਬੀਬਾ ਜੇਇੰਦਰ ਕੌਰ ਨੇ ਸ਼ਾਮਲ ਹੋ ਕੇ ਪੀੜ੍ਹਤ ਪ੍ਰੀਵਾਰਾਂ ਨੂੰ ਮਿਲ ਕੇ ਦੁੱਖ ਸਾਂਝਾ ਕੀਤਾ ਤੇ ਕਿਹਾ ਕਿ ਸਰਕਾਰ ਅਤੇ ਪੁਲਸ ਪ੍ਰਸਾਸ਼ਨ ਇਸ ਮਾਮਲੇ ਨੂੰ ਗੰਭੀਰਤਾ ਨਾਲ ਨਹੀਂ ਲੈ ਰਿਹਾ। ਮੁਲਜ਼ਮ ਅਦਾਲਤਾਂ ’ਚ ਵਕੀਲਾ ਰਾਹੀ ਅਗਾਊਂ ਜਮਾਨਤ ਲੈਣ ਦੀ ਕੋਸ਼ਿਸ਼ ਵਿਚ ਹੈ। ਜਿਸ ਲਈ ਉਹ 5 ਜੂਨ ਵੀਰਵਾਰ ਨੂੰ ਪੀੜ੍ਹਤ ਪ੍ਰੀਵਾਰਾਂ ਨੂੰ ਪੰਜਾਬ ਦੇ ਗਵਰਨਰ ਗੁਲਾਬ ਚੰਦ ਕਟਾਰੀਆਂ ਨੂੰ ਮਿਲਾ ਕੇ ਉਨ੍ਹਾਂ ਨੂੰ ਇਨਸਾਫ ਦਿਵਾਉਣ ਦੀ ਕੋਸ਼ਿਸ਼ ਕਰਨਗੇ।