ਦੋਸ਼ੀਆਨ ਦੇ ਜੁਡੀਸ਼ੀਅਲ ਮੈਜਿਸਟਰੇਟ ਬਾਬਾ ਬਕਾਲਾ ਵੱਲੋ ਜਮਾਨਤੀ ਵਰੰਟ ਜਾਰੀ
ਮਾਮਲਾ ਮਿ੍ਤਕ ਦੀ ਮੌਤ ਤੋ 12 ਸਾਲ ਬਾਅਦ ਵਸੀਅਤ ਤਿਆਰ ਕਰਨ ਦਾ
ਬਾਬਾ ਬਕਾਲਾ ਸਾਹਿਬ, 26 ਮਾਰਚ (ਅਮਰਵੀਰ ਸਿੰਘ ਆਜਾਦ) : ਵਿਰਾਸਤੀ ਜਾਇਦਾਦ ਹੜੱਪਣ ਲਈ ਜਾਅਲੀ ਵਸੀਅਤ ਤਿਆਰ ਕਰਕੇ ਹਲਕਾ ਪਟਵਾਰੀ ,ਕਾਨੂੰਗੋ ਅਤੇ ਤਹਿਸੀਲਦਾਰ ਨਾਲ ਮਿਲੀਭੁਗਤ ਕਰਕੇ ਜਾਅਲੀ ਵਸੀਅਤ ਦਾ ਇੰਤਕਾਲ ਦਰਜ ਕਰਨ ਵਾਲੇ ਦੋਸ਼ੀਆਨ ਖਿਲਾਫ ਜੁਡੀਸ਼ੀਅਲ ਮੈਜਿਸਟਰੇਟ ਬਾਬਾ ਬਕਾਲਾ ਸਾਹਿਬ ਵੱਲੋ ਜਮਾਨਤੀ ਵਰੰਟ ਜਾਰੀ ਕਰਨ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਨੰਬਰਦਾਰ ਮੰਗਲ ਸਿੰਘ ਪੁੱਤਰ ਕੁੰਨਣ ਸਿੰਘ ਵਾਸੀ ਪਿੰਡ ਚੀਮਾਬਾਠ ਨੇ ਪੁਲਿਸ ਥਾਣਾ ਬਿਆਸ ਅਤੇ ਐਸ.ਐਸ.ਪੀ ਅੰਮ੍ਰਿਤਸਰ ਦਿਹਾਤੀ ਨੂੰ ਸ਼ਕਾਇਤ ਕੀਤੀ ਕਿ ਉਸ ਦੇ ਪਿਤਾ ਕੁੰਨਂਣ ਸਿੰਘ ਦੀ ਮਿਤੀ 5-1-2009 ਨੂੰ ਮੌਤ ਹੋ ਗਈ ਸੀ ਪਰ ਉਸ ਦੇ ਭਰਾ ਸੁਖਦੇਵ ਸਿੰਘ ਨੇ ਉਸ ਦੇ ਪਿਤਾ ਕੁੰਨਣ ਸਿੰਘ ਦੀ ਮੌਤ ਤੋ 12 ਸਾਲ ਬਾਅਦ ਬਾਬਾ ਬਕਾਲਾ ਸਾਹਿਬ ਵਿਖੇ ਉਨ੍ਹਾ ਦੀ 6 ਮਰਲੇ ਵਿਰਾਸਤੀ ਜਗਾ ਦੀ ਜਾਅਲੀ ਵਸੀਅਤ ਤਿਆਰ ਕਰਕੇ ਹਲਕਾ ਪਟਵਾਰੀ ,ਕਾਨੂੰਗੋ ਅਤੇ ਤਹਿਸੀਲਦਾਰ ਬਾਬਾ ਬਕਾਲਾ ਸਾਹਿਬ ਦੀ ਮਿਲੀਭੁਗਤ ਨਾਲ ਇੰਤਕਾਲ ਦਰਜ ਕਰਵਾ ਲਿਆ ਹੈ ਪਰ ਪੁਲਿਸ ਨੇ ਉਸ ਦੀਆ ਦਰਖਾਸਤਾ ਤੇ ਕੋਈ ਵੀ ਕਾਰਾਵਈ ਨਹੀ ਕੀਤੀ । ਜਿਸ ਤੇ ਨੰਬਰਦਾਰ ਮੰਗਲ ਸਿੰਘ ਨੇ ਵਕੀਲ ਦਲਬੀਰ ਸਿੰਘ ਬਾਠ ਅਤੇ ਵਕੀਲ ਲੱਖਾ ਸਿੰਘ ਆਜਾਦ ਰਾਹੀ ਜੁਡੀਸ਼ੀਅਲ ਮੈਜਿਸਟਰੇਟ ਬਾਬਾ ਬਕਾਲਾ ਸਾਹਿ ਜੀ ਦੀ ਅਦਾਲਤ ਵਿੱਚ ਆਪਣੇ ਭਰਾ ਸੁਖਦੇਵ ਸਿੰਘ ਪੁੱਤਰ ਕੁੰਨਣ ਸਿੰਘ ਵਾਸੀ ਪਿੰਡ ਚੀਮਾਬਾਠ ਲਿਖਾਰੀ ਦਲਬੀਰ ਸਿੰਘ ਪੁੱਤਰ ਸਰਦੂਲ ਸਿੰਘ ਪਿੰਡ ਸਠਿਆਲਾ , ਨੰਬਰਦਾਰ ਗੁਰਮੇਜ ਸਿੰਘ ਪਿੰਡ ਸੁਧਾਰ ਰਾਜਪੂਤਾ ਗਵਾਹ ਫੋਜਾ ਸਿੰਘ ਪੁੱਤਰ ਬਚਨ ਸਿੰਘ ਸੁਧਾਰ ਰਾਜਪੂਤਾ , ਨੰਬਰਦਾਰ ਗੁਰਪ੍ਰੀਤ ਸਿੰਘ ਬਾਬਾ ਬਕਾਲਾ ,ਪਟਵਾਰੀ ਅੰਗਰੇਜ ਸਿੰਘ ਹਲਕਾ ਬਾਬਾ ਬਕਾਲਾ ਅਤੇ ਤਹਿਸੀਲਦਾਰ ਸਰਬਜੀਤ ਸਿੰਘ ਬਾਬਾ ਬਕਾਲਾ ਖਿਲ਼ਾਫ ਇੰਸਤਗਾਸਾ ਦਾਇਰ ਕਰ ਦਿੱਤਾ ।ਅਦਾਲਤ ਵਿੱਚ ਕਾਰਵਾਈ ਦੌਰਾਨ ਮੁਦਈ ਮੰਗਲ ਸਿੰਘ ਵੱਲੋ ਪੇਸ਼ ਗਵਾਹਾ ਅਤੇ ਸਬੂਤਾ ਦੇ ਆਧਾਰ ਤੇ ਮਾਣਯੋਗ ਸ੍ਰੀ ਬਿਕਰਮਦੀਪ ਸਿੰਘ ਜੁਡੀਸ਼ੀਅਲ ਮੈਜਿਸਟਰੇਟ ਬਾਬਾ ਬਕਾਲਾ ਸਾਹਿਬ ਨੇ ਸਾਰੇ ਦੋਸ਼ੀਆਨਾ ਨੂੰ ਜਾਅਲੀ ਵਸੀਅਤ ਤਿਆਰ ਕਰਨ ਤੇ ਅਦਾਲਤ ਵਿੱਚ ਪੇਸ਼ ਹੋਣ ਦੇ ਹੁਕਮ ਜਾਰੀ ਕੀਤੇ ।ਪਰ ਦੋਸ਼ੀਆਨ ਜਾਣਬੁੱਝ ਕੇ ਅਦਾਲਤ ਵਿੱਚ ਪੇਸ਼ ਨਹੀ ਹੋ ਰਹੇ ਜਿਸ ਤੇ ਸ੍ਰੀ ਬਿਕਰਮਦੀਪ ਸਿੰਘ ਜੁਡੀਸ਼ੀਅਲ ਮੈਜਿਸਟਰੇਟ ਬਾਬਾ ਬਕਾਲਾ ਨੇ ਦੋਸ਼ੀਆਨ ਦੇ 5000/ ਰੁਪੈ ਜਮਾਨਤੀ ਵਰੰਟ ਜਾਰੀ ਕਰਕੇ ਦੋਸ਼ੀਆਨ ਨੂੰ ਮਿਤੀ 4-4-2024 ਨੂੰ ਅਦਾਲਤ ਵਿੱਚ ਪੇਸ਼ ਹੋਣ ਦੇ ਹੁਕਮ ਜਾਰੀ ਕੀਤੀ ਹਨ ।