56 ਵਿਦਿਆਰਥੀਆਂ ਨੇ ਲਏ 100 ’ਚੋਂ 100 ਅੰਕ
ਏਜੰਸੀਆਂ
ਨਵੀਂ ਦਿੱਲੀ/25 ਅਪ੍ਰੈਲ : ਕੌਮੀ ਟੈਸਟਿੰਗ ਏਜੰਸੀ (ਐਨਟੀਏ) ਨੇ ਬੁੱਧਵਾਰ ਨੂੰ ਇੰਜੀਨੀਅਰਿੰਗ ਕੋਰਸਾਂ ਵਿੱਚ ਦਾਖਲੇ ਲਈ ਜੇਈਈ-ਮੇਨ ਦੇ ਨਤੀਜੇ ਐਲਾਨ ਦਿੱਤੇ, ਜਿਸ ਵਿੱਚ 56 ਉਮੀਦਵਾਰਾਂ ਨੇ ਪੂਰਨ 100 ਪ੍ਰਤੀਸ਼ਤ ਅੰਕ ਪ੍ਰਾਪਤ ਕੀਤੇ। ਅਜਿਹਾ ਕਰਨ ਵਾਲੇ ਜ਼ਿਆਦਾਤਰ ਉਮੀਦਵਾਰ ਤੇਲੰਗਾਨਾ ਦੇ ਹਨ। ਐਨਟੀਏ ਨੇ ਕਿਹਾ ਕਿ 39 ਉਮੀਦਵਾਰਾਂ ਨੂੰ ਪ੍ਰੀਖਿਆ ਵਿੱਚ ਅਨੁਚਿਤ ਅਭਿਆਸਾਂ ਦੀ ਵਰਤੋਂ ਕਰਨ ਲਈ ਜੇਈਈ-ਮੇਨ ਪ੍ਰੀਖਿਆ ਵਿੱਚ ਸ਼ਾਮਲ ਹੋਣ ਤੋਂ ਤਿੰਨ ਸਾਲਾਂ ਲਈ ਪਾਬੰਦੀ ਲਗਾਈ ਗਈ ਹੈ। ਇਹ ਪ੍ਰੀਖਿਅ ਦਸ ਲੱਖ ਤੋਂ ਵੱਧ ਉਮੀਦਵਾਰਾਂ ਨੇ ਦਿੱਤੀ ਸੀ। ਤੇਲੰਗਾਨਾ ਤੋਂ ਵੱਧ ਤੋਂ ਵੱਧ 15 ਉਮੀਦਵਾਰਾਂ, ਆਂਧਰਾ ਪ੍ਰਦੇਸ਼ ਅਤੇ ਮਹਾਰਾਸ਼ਟਰ ਤੋਂ ਸੱਤ-ਸੱਤ ਅਤੇ ਦਿੱਲੀ ਦੇ ਛੇ ਉਮੀਦਵਾਰਾਂ ਨੇ ਪੂਰੇ 100 ਐਨਟੀਏ ਸਕੋਰ ਹਾਸਲ ਕੀਤੇ। ਇਹ ਪ੍ਰੀਖਿਆ ਅਸਾਮੀ, ਬੰਗਾਲੀ, ਅੰਗਰੇਜ਼ੀ, ਗੁਜਰਾਤੀ, ਹਿੰਦੀ, ਕੰਨੜ, ਮਲਿਆਲਮ, ਮਰਾਠੀ, ਡੀ, ਪੰਜਾਬੀ, ਤਾਮਿਲ, ਤੇਲਗੂ ਅਤੇ ਉਰਦੂ ਵਿੱਚ ਕਰਵਾਈ ਗਈ ਸੀ। ਭਾਰਤ ਤੋਂ ਇਲਾਵਾ ਇਹ ਪ੍ਰੀਖਿਆ ਮਨਾਮਾ, ਦੋਹਾ, ਦੁਬਈ, ਕਾਠਮੰਡੂ, ਮਸਕਟ, ਰਿਆਦ, ਸ਼ਾਰਜਾਹ, ਸਿੰਗਾਪੁਰ, ਕੁਵੈਤ ਸਿਟੀ, ਕੁਆਲਾਲੰਪੁਰ, ਲਾਗੋਸ/ਅਬੂਜਾ, ਕੋਲੰਬੋ, ਜਕਾਰਤਾ, ਮਾਸਕੋ, ਓਟਾਵਾ, ਪੋਰਟ ਲੁਈਸ, ਬੈਂਕਾਕ, ਵਾਸ਼ਿੰਗਟਨ ਡੀ.ਸੀ., ਅਬੂ ਧਾਬੀ, ਹਾਂਗਕਾਂਗ ਅਤੇ ਓਸਲੋ ਵਿੱਚ ਵੀ ਆਯੋਜਿਤ ਕੀਤੀ ਗਈ ਸੀ।