ਮੁੱਲਾਂਪੁਰ ਦਾਖਾ, 25 ਅਪ੍ਰੈਲ (ਸਤਿਨਾਮ ਬੜੈਚ) : ਸਥਾਨਕ ਸ਼ਹਿਰ ਦੇ ਜਾਂਗਪੁਰ ਰੋਡ ’ਤੇ ਪਿਛਲੇ ਕਈ ਸਾਲਾਂ ਤੋਂ ਇੱਕ ਘਰ ਅੰਦਰ ਚੱਲ ਰਹੇ ਇੱਕ ਨਸ਼ਾ ਛੁਡਾਉ ਕੇਂਦਰ ਤੋਂ 18 ਨੌਜਵਾਨਾ ਨੂੰ ਛੁਡਵਾਕੇ ਸਿਵਿਲ ਹਸਪਤਾਲ ਜਗਰਾਉਂ ਭੇਜ ਦਿੱਤਾ ਗਿਆ । ਉੱਕਤ ਨਸ਼ਾ ਛੁੜਾਉ ਕੇਂਦਰ ’ਤੇ ਡਿਪਟੀ ਮੈਡੀਕਲ ਕਮਿਸ਼ਨਰ ਲੁਧਿਆਣਾ ਮੈਡਮ ਅਮਰਜੀਤ ਕੌਰ ਵੱਲੋਂ ਐਸ.ਐਮ.ਓ. ਸੁਧਾਰ ਦਵਿੰਦਰ ਕੁਮਾਰ, ਡਾ. ਵਿਵੇਕ ਗੋਇਲ ਜਗਰਾਉਂ ਅਤੇ ਦਾਖਾ ਪੁਲਿਸ ਨੂੰ ਨਾਲ ਲੈਕੇ ਛਾਪੇਮਾਰੀ ਕੀਤੀ ਗਈ। ਜਿਸ ਬਾਰੇ ਜਾਣਕਾਰੀ ਦਿੰਦਿਆਂ ਡੀ.ਐਮ.ਸੀ. ਮੈਡਮ ਅਮਰਜੀਤ ਕੌਰ ਨੇ ਦੱਸਿਆ ਕਿ ਕਿਸੇ ਵਿਅਕਤੀ ਵੱਲੋਂ ਉਹਨਾਂ ਨੂੰ ਇਸਦੀ ਲਿਖਤੀ ਸ਼ਿਕਾਇਤ ਕੀਤੀ ਗਈ ਸੀ , ਜਿਸ ’ਤੇ ਕਾਰਵਾਈ ਕਰਦਿਆਂ ਉਹਨਾਂ ਵੱਲੋਂ ਇਹ ਛਾਪੇਮਾਰੀ ਕਰਕੇ ਨਜਾਇਜ ਰੂਪ ਵਿੱਚ ਰੱਖੇ ਗਏ 18 ਨੌਜਵਾਨਾਂ ਨੂੰ ਰਿਹਾਅ ਕਰਵਾਕੇ 108 ਐਂਬੂਲੈਂਸਾਂ ਰਾਹੀਂ ਸਿਵਿਲ ਹਸਪਤਾਲ ਜਗਰਾਉਂ ਭੇਜ ਦਿੱਤਾ ਗਿਆ ਹੈ, ਜਿੱਥੇ ਸਾਰਿਆਂ ਦਾ ਮੈਡੀਕਲ ਚੈੱਕਅਪ ਕਰਨ ਉਪਰੰਤ ਇਲਾਜ ਸ਼ੁਰੂ ਕੀਤਾ ਜਾਵੇਗਾ। ਉਹਨਾਂ ਦੱਸਿਆ ਕਿ ਉੱਕਤ ਕੇਂਦਰ ਨੂੰ ਚਲਾ ਰਹੇ ਬਾਬਾ ਭੁਪਿੰਦਰ ਸਿੰਘ ਤੋਂ ਜਦੋਂ ਇਸ ਚਲਾਏ ਜਾ ਰਹੇ ਨਸ਼ਾ ਛੁਡਾਉ ਕੇਂਦਰ ਦੇ ਬਾਰੇ ਲਈ ਗਈ ਮਨਜੂਰੀ ਦੇ ਦਸਤਾਵੇਜਾਂ ਬਾਰੇ ਪੁੱਛਿਆਂ ਗਿਆ ਤਾਂ ਉਹ ਇਸ ਸਬੰਧੀ ਕੋਈ ਵੀ ਲਾਇਸੈਂਸ ਪੇਸ਼ ਨਹੀਂ ਕਰ ਸਕੇ, ਜਿਸ ਕਾਰਨ ਇਹ ਕੇਂਦਰ ਗੈਰਕਾਨੂੰਨੀ ਪਾਇਆ ਗਿਆ।
25ਐਮ.ਐਲ.ਪੀ 001, ਕੈਪਸ਼ਨ- ਮੈਡਮ ਅਮਰਜੀਤ ਕੌਰ ਦੀ ਹਾਜਰੀ ਵਿੱਚ ਨਸ਼ਾ ਛੁਡਾਉ ਕੇਂਦਰ ਤੋਂ ਬਾਹਰ ਆਉਂਦਾ ਹੋਇਆ ਇੱਕ ਵਿਅਕਤੀ।
25ਐਮ.ਐਲ.ਪੀ 002== ਰਿਹਾਅ ਕਰਵਾਏ ਵਿਅਕਤੀਆਂ ਨੂੰ ਐਂਬੂਲੈਂਸ ਵਿੱਚ ਲਿਜਾਂਦੇ ਹੋਏ ਨੌਜਵਾਨਾਂ ਨੂੰ ਲਿਜਾਂਦੇ ਹੋਏ ਸਿਹਤ ਕਰਮਚਾਰੀ।