ਸ੍ਰੀ ਫ਼ਤਹਿਗੜ੍ਹ ਸਾਹਿਬ/12 ਜੂਨ:
(ਰਵਿੰਦਰ ਸਿੰਘ ਢੀਂਡਸਾ)
ਵਿਸ਼ਵ ਜਾਗ੍ਰਿਤੀ ਮਿਸ਼ਨ ਸਰਹਿੰਦ ਦੇ ਪ੍ਰੋਜੈਕਟ ਇੰਚਾਰਜ ਵਿਨੈ ਗੁਪਤਾ ਅਤੇ ਜਗਦੀਸ਼ ਵਰਮਾ ਦੇ ਵਿਸ਼ੇਸ਼ ਯਤਨਾਂ ਨਾਲ ਸਵਰਗ ਸਿਧਾਰ ਗਏ ਮੋਹਨ ਲਾਲ ਧੀਮਾਨ ਦਾ ਅੱਖਾਂ ਦਾਨ ਕਰਵਾਈਆਂ ਗਈਆਂ।ਪੀ.ਜੀ.ਆਈ. ਚੰਡੀਗੜ੍ਹ ਦੀ ਡਾਕਟਰਾਂ ਦੀ ਟੀਮ ਵੱਲੋਂ ਸਫਲਤਾ ਨਾਲ ਇਸ ਨੇਕ ਕਾਰਜ ਨੂੰ ਨੇਪਰੇ ਚਾੜ੍ਹਿਆ ਗਿਆ।ਵਿਸ਼ਵ ਜਾਗ੍ਰਿਤੀ ਮਿਸ਼ਨ ਸਰਹਿੰਦ ਦੇ ਬੁਲਾਰੇ ਨੇ ਦੱਸਿਆ ਕਿ ਸਵ. ਮੋਹਨ ਲਾਲ ਧੀਮਾਨ ਦੇ ਪੁੱਤਰਾਂ ਮੁਕੇਸ਼ ਧੀਮਾਨ ਅਤੇ ਸੁਰਿੰਦਰ ਧੀਮਾਨ, ਉਨਾਂ ਦੇ ਪਰਿਵਾਰਿਕ ਮੈਂਬਰਾਂ ਅਤੇ ਦੋਸਤਾਂ ਜਿਨਾਂ ਵਿੱਚ ਪਰਵੀਨ ਕੁਮਾਰ,ਅੰਕਿਤ ਬਾਂਸਲ ,ਰਵਿੰਦਰ ਦੇਵਗਨ, ਯਾਦਵ ਕੁਮਾਰ ਅਤੇ ਸੁਖਵੀਰ ਸਿੰਘ ਦਾ ਵੀ ਇਸ ਪੁੰਨ ਦੇ ਕੰਮ 'ਚ ਵਿਸ਼ੇਸ ਸਹਿਯੋਗ ਰਿਹਾ ਜਿਸ ਲਈ ਅਸੀਂ ਉਨ੍ਹਾਂ ਦਾ ਤਹਿ ਦਿਲੋਂ ਧੰਨਵਾਦ ਕਰਦੇ ਹਾਂ। ਉਨ੍ਹਾਂ ਦੱਸਿਆ ਕਿ ਮੋਹਨ ਲਾਲ ਧੀਮਾਨ ਜੀ ਦੀ ਭੋਗ ਤੇ ਅੰਤਿਮ ਅਰਦਾਸ 21 ਜੂਨ 2025 ਦਿਨ ਸ਼ਨੀਚਰਵਾਰ ਨੂੰ ਰਾਣਾ ਹੈਰੀਟੇਜ, ਸਰਹਿੰਦ, ਫ਼ਤਿਹਗੜ੍ਹ ਸਾਹਿਬ ਵਿਖੇ ਦੁਪਹਿਰ 1 ਵਜੇ ਤੋਂ 2 ਵਜੇ ਤੱਕ ਹੋਵੇਗੀ।ਮਿਸ਼ਨ ਨੇ ਇਲਾਕਾ ਵਾਸੀਆਂ ਨੂੰ ਅਪੀਲ ਕੀਤੀ ਕਿ ਇਸ ਨੇਕ ਕੰਮ ਤੋਂ ਪ੍ਰੇਰਣਾ ਲੈ ਕੇ ਉਹ ਵੀ ਅੱਖਾਂ ਦਾਨ ਕਰਨ ਲਈ ਅੱਗੇ ਆਉਣ ਤਾਂ ਜੋ ਕਿਸੇ ਦੀ ਹਨ੍ਹੇਰੀ ਜ਼ਿੰਦਗੀ ਨੂੰ ਫਿਰ ਤੋਂ ਰੋਸ਼ਨ ਕੀਤਾ ਜਾ ਸਕੇ।