ਨਾਭਾ 27 ਜੂਨ ( ਅਮਰਦੀਪ ਅਹੂਜਾ)
ਨਾਭਾ ਪੁਲਿਸ ਵੱਲੋਂ ਇੱਕ ਵੱਡੇ ਗਰੋਹ ਨੂੰ ਹਥਿਆਰਾਂ ਅਤੇ ਨਸ਼ੀਲੀ ਗੋਲੀਆਂ ਸਮੇਤ ਫੜਿਆ ਗਿਆ ਹੈ । ਡੀਐਸਪੀ ਨਾਭਾ ਮਨਦੀਪ ਕੌਰ ਅਤੇ ਸਰਬਜੀਤ ਸਿੰਘ ਚੀਮਾ ਵੱਲੋਂ ਆਪਣੇ ਦਫਤਰ ਵਿੱਚ ਰੱਖੀ ਪ੍ਰੈਸ ਕਾਨਫਰੰਸ ਦੌਰਾਨ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਨਾਭਾ ਕੋਤਵਾਲੀ ਪੁਲਿਸ ਦੇ ਇਨਚਾਰਜ ਸਰਬਜੀਤ ਸਿੰਘ ਚੀਮਾ ਨੂੰ ਮੁਖਬਰਾ ਤੋਂ ਮਿਲੀ ਜਾਣਕਾਰੀ ਦੇ ਆਧਾਰ ਤੇ ਨਾਭਾ ਦੇ ਬੱਸ ਸਟੈਂਡ ਨੇੜੇ ਅਚਾਨਕ ਰੇਡ ਕੀਤੀ ਗਈ ਜਿਸ ਦੌਰਾਨ ਇੱਕ ਕਾਰ ਵਿੱਚ ਸਵਾਰ ਲਵਪ੍ਰੀਤ ਸਿੰਘ ਭਾਊ , ਰਾਜਦੀਪ ਸਿੰਘ ਭਾਊ,,, ਸੁਖਦਰਸ਼ਨ ਸਿੰਘ ਜੋ ਤਿੰਨੇ ਆਪਸ ਵਿੱਚ ਭਾਈ ਹਨ ਅਤੇ ਉਹਨਾਂ ਦੇ ਸਾਥੀ ਕਮਲਜੀਤ ਸਿੰਘ ਭਾਊ ਅਤੇ ਗੌਤਮ ਬਾਦਸ਼ਾਹ ਇੱਕ ਵੱਡੀ ਵਾਰਦਾਤ ਨੂੰ ਅੰਜਾਮ ਦੇਣ ਜਾ ਰਹੇ ਹਨ। ਪੁਲਿਸ ਨੇ ਰੇਡ ਦੌਰਾਨ ਇਹਨਾਂ ਵਿੱਚੋਂ ਚਾਰ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਜਦਕਿ ਗੌਤਮ ਬਾਦਸ਼ਾਹ ਹਨੇਰੇ ਦਾ ਫਾਇਦਾ ਉਠਾਉਂਦਾ ਹੋਇਆ ਭੱਜ ਗਿਆ। ਫੜੇ ਗਏ ਮੁਲਜਮਾਂ ਕੋਲੋਂ ਪੁਲਿਸ ਨੇ 900 ਨਸ਼ੀਲੀ ਗੋਲੀਆਂ, ਇੱਕ ਪਿਸਟਲ ਮੇਡ ਇਨ ਚਾਈਨਾ, ਇੱਕ ਕਾਰ, ਤਿੰਨ ਲੋਹੇ ਦੇ ਦਾਤਰ , ਦੋ ਚਾਕੂ ਅਤੇ ਇੱਕ ਲੋਹਾ ਪਾਈਪ ਬਰਾਮਦ ਕੀਤਾ ਹੈ ।
ਪੁਲਿਸ ਵੱਲੋਂ ਫੜਿਆ ਗਿਆ ਗਰੋਹ ਦੇ ਵਿੱਚ ਤਿੰਨ ਸਕੇ ਭਰਾ ਤੇ ਇੱਕ ਚਚੇਰਾ ਭਰਾ ਸ਼ਾਮਿਲ ਹੈ ਜਿਨਾਂ ਦੇ ਖਿਲਾਫ ਪਹਿਲਾ ਵੀ ਬਹੁਤ ਸਾਰੇ ਮੁਕਦਮੇ ਦਰਜ ਹਨ ਜਿਸ ਵਿੱਚ ਕਤਲ ਸਮੇਤ , ਕੁੱਟਮਾਰ ਕਰਨ ਧਮਕਾਨ ਸਬੰਧੀ ਅਤੇ ਚੋਰੀ ਦੇ ਮੁਕਦਮੇ ਵੀ ਦਰਜ ਹਨ ਪਰ ਫੜੇ ਗਏ ਇਸ ਗਰੋਹ ਨੂੰ ਨਸ਼ੇ ਨਾਲ ਪਹਿਲੀ ਵਾਰ ਗਿਰਫਤਾਰ ਕੀਤਾ ਗਿਆ ਹੈ ਹੈਰਾਨੀ ਦੀ ਗੱਲ ਇਹ ਹੈ ਕਿ ਫੜੇ ਗਏ ਆਰੋਪੀ ਉਮਰ ਵਿੱਚ 20 ਤੋਂ 25 ਸਾਲ ਦੇ ਹਨ ਤੇ ਇਨੀ ਘੱਟ ਉਮਰ ਵਿੱਚ ਇਸ ਤਰਾਂ ਦੀ ਵਾਰਦਾਤਾਂ ਨੂੰ ਅੰਜਾਮ ਦੇਣਾ ਨੌਜਵਾਨ ਪੀੜੀ ਲਈ ਖਤਰਨਾਕ ਹੈ
ਡੀਐਸਪੀ ਨਾਭਾ ਨੇ ਵੀ ਨੌਜਵਾਨਾਂ ਨੂੰ ਸੁਨੇਹਾ ਦਿੰਦੇ ਹੋਏ ਕਿਹਾ ਕਿ ਇੰਨੀ ਘੱਟ ਉਮਰ ਦੇ ਵਿੱਚ ਇਸ ਤਰ੍ਹਾਂ ਦੀ ਵਾਰਦਾਤਾਂ ਦੇ ਵਿੱਚ ਸ਼ਾਮਿਲ ਹੋਣਾ ਤੁਸੀਂ ਆਪਣਾ ਭਵਿੱਖ ਖਰਾਬ ਕਰ ਰਹੇ ਹੋ ਨੌਜਵਾਨ ਖੇਡਾਂ ਵੱਲ ਅਤੇ ਪੜ੍ਹਾਈ ਵੱਲ ਧਿਆਨ ਦੇਣ ਤਾਂ ਜੋ ਉਹਨਾਂ ਦਾ ਭਵਿੱਖ ਚੰਗਾ ਹੋ ਸਕੇ । ਡੀਐਸਪੀ ਨਾਭਾ ਨੇ ਦਾਅਵਾ ਕੀਤਾ ਕਿ ਨਾਭਾ ਪੁਲਿਸ ਲਗਾਤਾਰ ਨਸ਼ਿਆਂ ਖਿਲਾਫ ਸਰਗਰਮ ਹੈ ਅਤੇ ਕਿਸੇ ਨੂੰ ਵੀ ਨਾਭਾ ਵਿੱਚ ਕੋਈ ਵਾਰਦਾਤ ਅਤੇ ਨਸ਼ਾ ਨਹੀਂ ਵੇਚਣ ਦਿੱਤਾ ਜਾਵੇਗਾ। ਐਫਆਈਆਰ ਨੰਬਰ 59 ਐਨਡੀਪੀਸੀ ਐਕਟ ਦੀ ਧਾਰਾ 22/61/85 ਅਤੇ ਆਰਮਜ਼ ਐਕਟ ਦੀ ਧਾਰਾ 27/54/59 ਤਹਿਤ ਦਰਜ ਕੀਤੀ ਗਈ ਹੈ।