ਚੰਡੀਗੜ੍ਹ 23 ਅਗਸਤ
ਆਉਣ ਵਾਲੀ 4ਵੀਂ ਸਬ-ਜੂਨੀਅਰ ਅਤੇ ਸੀਨੀਅਰ ਨੈਸ਼ਨਲ ਕਿਯੋਰੂਗੀ ਅਤੇ ਪੂਮਸੇ ਤੈਕਵਾਂਡੋ ਚੈਂਪੀਅਨਸ਼ਿਪ 2025, ਜੋ ਕਿ 28 ਅਗਸਤ ਤੋਂ 2 ਸਤੰਬਰ 2025 ਤੱਕ ਕਟਕ (ਓਡੀਸ਼ਾ) ਵਿੱਚ ਹੋਣ ਜਾ ਰਹੀ ਹੈ, ਲਈ ਚੋਣ ਟ੍ਰਾਇਲ ਅੱਜ ਲਾਅ ਭਵਨ, ਸੈਕਟਰ 37, ਚੰਡੀਗੜ੍ਹ ਵਿੱਚ ਸਫਲਤਾਪੂਰਵਕ ਕਰਵਾਏ ਗਏ।
ਇਸ ਮੌਕੇ ‘ਤੇ ਮੁਖ ਅਤਿਥੀ ਸ਼੍ਰੀ ਐਨ.ਕੇ. ਵਰਮਾ, ਐਡਵੋਕੇਟ, ਸਾਬਕਾ ਸੀਨੀਅਰ ਡਿਪਟੀ ਐਡਵੋਕੇਟ ਜਨਰਲ, ਕਨਵੀਨਰ ਲੀਗਲ ਸੈਲ ਭਾਜਪਾ ਪੰਜਾਬ ਅਤੇ ਮੈਂਬਰ ਅਨੁਸ਼ਾਸਨ ਕਮੇਟੀ ਭਾਜਪਾ ਪੰਜਾਬ ਅਤੇ ਵਿਸ਼ੇਸ਼ ਅਤਿਥੀ ਐਡਵੋਕੇਟ ਮੋਹਿਤ ਗਰਹ, ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ, ਲੀਗਲ ਐਡਵਾਈਜ਼ਰ ਇੰਡੀਆ ਤੈਕਵਾਂਡੋ ਨੇ ਸ਼ਿਰਕਤ ਕੀਤੀ।
ਕੁੱਲ 120 ਖਿਡਾਰੀਆਂ ਨੇ ਇਨ੍ਹਾਂ ਟ੍ਰਾਇਲਾਂ ਵਿੱਚ ਭਾਗ ਲਿਆ ਅਤੇ ਆਪਣੇ ਸ਼ਾਨਦਾਰ ਹੁਨਰ ਤੇ ਖੇਡ-ਜਜ਼ਬੇ ਦਾ ਪ੍ਰਦਰਸ਼ਨ ਕੀਤਾ। ਭਾਗੀਦਾਰ ਪੰਜਾਬ ਯੂਨੀਵਰਸਿਟੀ, ਐਸ.ਡੀ. ਕਾਲਜ, ਖ਼ਾਲਸਾ ਕਾਲਜ, ਦੇਵ ਸਮਾਜ ਕਾਲਜ, ਸ਼ਿਸ਼ੁ ਨਿਕੇਤਨ ਸਕੂਲ, ਕਾਰਮੇਲ ਕਾਨਵੈਂਟ ਅਤੇ ਸਟੀਪਿੰਗ ਸਟੋਨ ਸਕੂਲ ਸਮੇਤ ਵੱਖ-ਵੱਖ ਸਕੂਲਾਂ, ਕਾਲਜਾਂ ਅਤੇ ਕਲੱਬਾਂ ਨਾਲ ਸਬੰਧਤ ਸਨ।
ਟ੍ਰਾਇਲਾਂ ਨੂੰ ਚੰਡੀਗੜ੍ਹ ਦੇ ਪ੍ਰਸਿੱਧ ਕੋਚਾਂ ਨੇ ਆਪਣੀ ਪੂਰੀ ਸਹਿਯੋਗ ਨਾਲ ਸੁਚਾਰੂ ਅਤੇ ਨਿਰਪੱਖ ਢੰਗ ਨਾਲ ਸੰਪੰਨ ਕੀਤਾ। ਇਨ੍ਹਾਂ ਕੋਚਾਂ ਵਿੱਚ ਮਹੇਸ਼ ਠਾਕੁਰ ਆਈ ਟੀ ਰਾਸ਼ਟਰੀ ਰੈਫਰੀ, ਗੁਰਜੀਤ ਸਿੰਘ ਤਾਇਕਮਾਂਡੋ ਕੋਚ, ਪਰਦੀਪ ਮਲਿਕ, ਸ਼ਿਵਰਾਜ ਘਰਤੀ (ਘਰਤੀ ਤੈਕਵਾਂਡੋ ਅਕੈਡਮੀ), ਰਾਜੇਸ਼ ਨੇਗੀ, ਸਤਪਾਲ ਸਿੰਘ (ਨੇਗੀ ਕਲੱਬ), ਸੰਦੀਪ ਕੁੰਡੂ (ਚੰਡੀਗੜ੍ਹ ਖੇਡ ਵਿਭਾਗ), ਅਜੈ ਕੁਮਾਰ (ਓਨਿਕਸ ਅਕੈਡਮੀ), ਰਵੀ ਕੁਮਾਰ (ਆਰ.ਕੇ. ਮਾਰਸ਼ਲ ਆਰਟਸ), ਸੁਰਿੰਦਰ ਸਿੰਘ (ਨੇਗੀ ਕਲੱਬ), ਮਹੇਸ਼ਵਰ ਦੱਤ (ਪੈਸ਼ਨ ਅਕੈਡਮੀ), ਗੌਰਵ ਸੈਣੀ (ਯੂਨੀਵਰਸਲ ਅਕੈਡਮੀ), ਦਵਿੰਦਰ ਕੁਮਾਰ (ਵੇਲੋਸਿਟੀ ਅਕੈਡਮੀ), ਤੀਰਥ ਰਾਜ (ਆਰ.ਪੀ.ਟੀ.ਸੀ. ਅਕੈਡਮੀ), ਵਿਜੈ ਲਾਮਾ (ਖੁਖਰੀ ਕਲੱਬ) ਅਤੇ ਡਿਫੈਂਸ ਕਲੱਬ ਸ਼ਾਮਲ ਸਨ।
ਲੜਕੀਆਂ ਦੇ ਨਤੀਜਿਆਂ ਵਿੱਚ: ਅੰਡਰ 46 ਕਿਲੋ: ਅਨੀਕਾ (ਗੋਲਡ), ਭਾਵਨਾ (ਸਿਲਵਰ), ਅੰਡਰ 49 ਕਿਲੋ: ਜੋਆ ਖਾਨ (ਗੋਲਡ), ਬੌਬੀ (ਸਿਲਵਰ)
ਅੰਡਰ 57 ਕਿਲੋ: ਹਨਸਿਕਾ (ਗੋਲਡ), ਭੂਮਿਕਾ (ਸਿਲਵਰ) ਕਈ ਹੋਰ ਖਿਡਾਰੀਆਂ ਨੇ ਵੀ ਵੱਖ-ਵੱਖ ਭਾਰ ਸ਼੍ਰੇਣੀਆਂ ਵਿੱਚ ਮੈਡਲ ਜਿੱਤ ਕੇ ਆਉਣ ਵਾਲੀ ਇੰਡੀਆ ਤੈਕਵਾਂਡੋ (ਆਈ.ਟੀ.) ਦੇ ਨੈਸ਼ਨਲ ਚੈਂਪੀਅਨਸ਼ਿਪ ਵਿੱਚ ਆਪਣੀ ਜਗ੍ਹਾ ਪੱਕੀ ਕੀਤੀ।
ਦੋਵਾਂ ਨੇ ਸਭ ਮੈਡਲ ਜੇਤੂਆਂ ਨੂੰ ਵਧਾਈ ਦਿੱਤੀ, ਭਾਗੀਦਾਰਾਂ ਦਾ ਹੋਂਸਲਾ ਵਧਾਇਆ ਅਤੇ ਆਯੋਜਕ ਕਮੇਟੀ ਤੇ ਕੋਚਾਂ ਦੀ ਨਿਰਪੱਖ ਅਤੇ ਯੋਗਤਾ-ਅਧਾਰਤ ਚੋਣ ਪ੍ਰਕਿਰਿਆ ਲਈ ਸ਼ਲਾਘਾ ਕੀਤੀ।