ਏਜੰਸੀਆਂ
ਸ੍ਰੀਨਗਰ/23 ਮਾਰਚ : ਜੰਮੂ ਕਸ਼ਮੀਰ ਦੇ ਸ੍ਰੀਨਗਰ ’ਚ ਏਸ਼ੀਆ ਦਾ ਸਭ ਤੋਂ ਵੱਡਾ ਟਿਊਲਿਪ ਗਾਰਡਨ ਸ਼ਨੀਵਾਰ ਨੂੰ ਜਨਤਾ ਲਈ ਖੋਲ੍ਹ ਦਿੱਤਾ ਗਿਆ । ਸ੍ਰੀਨਗਰ ’ਚ ਡਲ ਝੀਲ ਦੇ ਕਿਨਾਰੇ ਸਥਿਤ ਜ਼ਬਰਵਾਨ ਪਹਾੜੀਆਂ ਨਾਲ, ਇਹ ਗਾਰਡਨ 55 ਹੈਕਟੇਅਰ ਜ਼ਮੀਨ ’ਚ ਫੈਲਿਆ ਹੋਇਆ ਹੈ । ਗਾਰਡਨ ’ਚ ਮੌਜੂਦਾ 68 ਕਿਸਮਾਂ ’ਚ 2 ਲੱਖ ਬਲਬਾਂ ਦੇ ਮਾਧਿਅਮ ਨਾਲ ਟਿਊਲਿਪ ਦੀਆਂ 5 ਨਵੀਆਂ ਕਿਸਮਾਂ ਜੋੜੀਆਂ ਗਈਆਂ ਹਨ । ਟਿਊਲਿਪ ਗਾਰਡਨ ਦੀ ਦੇਖ-ਰੇਖ ਕਰਨ ਵਾਲੇ ਫਲੋਰੀਕਲਚਰ ਵਿਭਾਗ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਇਸ ਬਸੰਤ ’ਚ ਬਗੀਚੇ ’ਚ 17 ਲੱਖ ਟਿਊਲਿਪ ਖਿੜਨਗੇ । ਹਾਲਾਂਕਿ ਬਗੀਚੇ ’ਚ ਟਿਊਲਿਪ ਅਜੇ ਖਿੜਨੇ ਬਾਕੀ ਹਨ । ਅਧਿਕਾਰੀਆਂ ਨੇ ਕਿਹਾ ਕਿ ਅਗਲੇ 5 ਤੋਂ 7 ਦਿਨਾਂ ’ਚ ਟਿਊਲਿਪ ਬਗੀਚੇ ਦੇ ਅੰਦਰ ਰੰਗਾਂ ਦਾ ਇਕ ਮਨਮੋਹਕ ਨਜ਼ਾਰਾ ਦਿਖਾਉਣ ਲਈ ਖਿੜਨਾ ਸ਼ੁਰੂ ਹੋ ਜਾਣਗੇ । ਸ਼ਨੀਵਾਰ ਨੂੰ ਇਸ ਦੇ ਉਦਘਾਟਨ ਦੇ ਦਿਨ ਟਿਊਲਿਪ ਗਾਰਡਨ ’ਚ ਵੱਡੀ ਗਿਣਤੀ ’ਚ ਸੈਲਾਨੀ ਆਏ, ਜਿਨ੍ਹਾਂ ’ਚੋਂ ਜ਼ਿਆਦਾ ਗੈਰ-ਸਥਾਨਕ ਸੈਲਾਨੀ ਸਨ । ਟਿਊਲਿਪ ਕਿਸਮਾਂ ਤੋਂ ਇਲਾਵਾ ਇੱਥੇ ਹਾਈਕਿੰਥਸ, ਡੈਫੋਡਿਲਸ, ਮਸਕਰੀ ਅਤੇ ਸਾਈਕਲੈਮੇਨ ਹਨ । ਬਸੰਤ ਦੇ ਫੁੱਲਾਂ ਦੀਆਂ ਇਹ ਕਿਸਮਾਂ ਸ਼੍ਰੀਨਗਰ ’ਚ ਏਸ਼ੀਆ ਦੇ ਸਭ ਤੋਂ ਵੱਡੇ ਟਿਊਲਿਪ ਗਾਰਡਨ ਦੀ ਦੀ ਖੂਬਸੂਰਤੀ ਵਧਾਉਣ ’ਚ ਮਦਦ ਕਰਦੀਆਂ ਹਨ ।