ਜੀਰਕਪੁਰ 31 ਜਨਵਰੀ ਵਿੱਕੀ ਭਬਾਤ
ਜੀਰਕਪੁਰ ਭਬਾਤ ਰੋਡ ਤੇ ਦੇਵ ਸ਼ੋਪਿੰਗ ਕੰਪਲੈਕਸ ਵਿੱਚ ਸਥਿਤ ਦਰਜੀ ਅਤੇ ਕੱਪੜਿਆਂ ਦੀ ਨਿਜਾਮ ਟੇਲਰ ਨਾਮਕ ਦੁਕਾਨ ਤੋਂ ਅੱਜ ਦੁਪਹਿਰ ਕਰੀਬ 1:40 ਵਜੇ ਇੱਕ ਅਣਪਛਾਤਾ ਚੋਰ ਦੁਕਾਨ ਦੇ ਗੇਟ ਦੇ ਤਾਲੇ ਤੋੜ ਕੇ ਅੰਦਰ ਗੱਲੇ ਵਿੱਚ ਪਏ 60 ਹਜਾਰ ਰੁਪਏ ਨਗਦ ਅਤੇ ਦੋ ਨਵੇਂ ਬਣਾਏ ਕੋਟ ਚੋਰੀ ਕਰਕੇ ਲੈ ਗਿਆ। ਮਾਮਲੇ ਦੀ ਆਨਲਾਈਨ ਸ਼ਿਕਾਇਤ ਕਰ ਦਿੱਤੀ ਗਈ ਹੈ। ਜਾਣਕਾਰੀ ਦਿੰਦੇ ਹੋਏ ਦੁਕਾਨ ਦੇ ਮਾਲਕ ਮੁਕੀਮ ਗੌਰ ਨੇ ਦੱਸਿਆ ਕਿ ਉਹ ਅੱਜ ਸ਼ੁੱਕਰਵਾਰ ਦੀ ਨਮਾਜ ਪੜ੍ਹਨ ਲਈ ਭਬਾਤ ਮਸਜਿਦ ਵਿੱਚ ਗਿਆ ਹੋਇਆ ਸੀ ਜਦੋਂ ਵਾਪਿਸ ਆਇਆ ਤਾਂ ਦੇਖਿਆ ਕਿ ਦੁਕਾਨ ਦੇ ਗੇਟ ਦਾ ਤਾਲਾ ਟੁੁੱਟਿਆ ਹੋਇਆ ਹੈ। ਅੰਦਰ ਜਾ ਕੇ ਦੇਖਿਆ ਤਾਂ ਗੱਲੇ ਵਿੱਚ ਪਏ 60 ਹਜਾਰ ਰੁਪਏ ਅਤੇ ਦੋ ਨਵੇ ਬਣਾਏ ਕੋਟ ਚੋਰੀ ਹੋ ਗਏ ਸਨ। ਸੀਸੀਟੀਵੀ ਵਿੱਚ ਸਾਫ ਦਿਖਾਈ ਦੇ ਰਿਹਾ ਹੈ ਕਿ ਇੱਕ ਚੋਰ ਜਿਸਨੇ ਆਪਣੇ ਅੱਧੇ ਮੂਹ ਤੇ ਹੈਲਮਟ ਪਾਇਆ ਹੋਇਆ ਸੀ ਨੇ ਲੱਤ ਮਾਰ ਕੇ ਗੇਟ ਦਾ ਤਾਲਾ ਤੋੜ ਲਿਆ ਅਤੇ ਫੇਰ ਅੰਦਰ ਗੱਲਿਆਂ ਦੀ ਫਰੋਲਾ ਫਰੋਲੀ ਕਰਨ ਲੱਗਾ। ਜਦੋਂ ਮੁੱਖ ਗੱਲੇ ਨੂੰ ਤਾਲਾ ਲੱਗਿਆ ਦੇਖਿਆ ਤਾਂ ਦੁਕਾਨ ਤੇ ਪਈ ਕਂੈਚੀ ਨਾਲ ਉਸਨੇ ਗੱਲਾ ਤੋੜ ਦਿੱਤਾ ਅਤੇ ਗੱਲੇ ਵਿੱਚ ਪਏ ਪੈਸੇ ਚੋਰੀ ਕਰਕੇ ਲੈ ਗਿਆ। ਸਾਰੀ ਘਟਨਾ ਸੀਸੀਟੀਵੀ ਵਿੱਚ ਕੈਦ ਹੋ ਗਈ ਹੈ। ਮਾਮਲੇ ਦੀ ਆਨਲਾਈਨ ਸ਼ਿਕਾਇਤ ਕਰ ਦਿੱਤੀ ਗਈ ਹੈ।