ਸ੍ਰੀ ਫ਼ਤਹਿਗੜ੍ਹ ਸਾਹਿਬ/26 ਸਤੰਬਰ:
(ਰਵਿੰਦਰ ਸਿੰਘ ਢੀਂਡਸਾ)
ਬਾਬਾ ਬੰਦਾ ਸਿੰਘ ਬਹਾਦਰ ਇੰਜੀਨੀਅਰਿੰਗ ਕਾਲਜ (ਬੀ.ਬੀ.ਐਸ.ਬੀ.ਈ.ਸੀ.), ਫਤਹਿਗੜ੍ਹ ਸਾਹਿਬ ਦੇ ਕੰਪਿਊਟਰ ਸਾਇੰਸ ਅਤੇ ਇੰਜੀਨੀਅਰਿੰਗ ਵਿਭਾਗ ਵੱਲੋਂ ਬੀ.ਟੈਕ (ਸੀ.ਐਸ.ਈ.) ਦੇ 7ਵੇਂ ਸਮੈਸਟਰ ਦੇ ਵਿਦਿਆਰਥੀਆਂ ਲਈ “ਏ. ਆਈ. ਏਜੰਟਸ” ਵਿਸ਼ੇ ’ਤੇ ਇੱਕ ਦਿਨਾ ਵਰਕਸ਼ਾਪ ਕਰਵਾਈ ਗਈ।ਇਸ ਵਰਕਸ਼ਾਪ ਵਿੱਚ ਉਦਯੋਗ ਨਾਲ ਜੁੜੇ ਦੋ ਮਾਹਰਾਂ ਨੇ ਵਿਦਿਆਰਥੀਆਂ ਨਾਲ ਆਪਣਾ ਤਜਰਬਾ ਸਾਂਝਾ ਕੀਤਾ। ਅਸ਼ੀਸ਼ ਜਲੋਟਾ (ਡਾਇਰੈਕਟਰ, ਅੰਸ਼ ਇਨਫ਼ੋਟੈਕ ਅਤੇ ਸੀ.ਈ.ਓ., ਏ.ਆਈ.ਟੀ ਓਵਰਸੀਜ਼) ਅਤੇ ਲਕਸ਼ਮਣ (ਏ.ਆਈ./ਐਮ.ਐਲ. ਇੰਜੀਨੀਅਰ, ਅੰਸ਼ ਇਨਫ਼ੋਟੈਕ) ਨੇ “ਏ.ਆਈ. ਏਜੰਟਸ” ਦੀ ਭੂਮਿਕਾ ਅਤੇ ਤਕਨੀਕੀ ਖੇਤਰ ਵਿੱਚ ਇਨ੍ਹਾਂ ਦੀ ਵਰਤੋਂ ਬਾਰੇ ਮਹੱਤਵਪੂਰਨ ਜਾਣਕਾਰੀਆਂ ਦਿੱਤੀਆਂ।